حياتنا مش ماشيه على مزاجنا
بنخطط وبنفكر وبنسهر وبنتعب حالنا بالتفكير
اجيبها يمين ولا شمال
بردو مش هتيجى على مزاجى لان المكتوب هيكون
بس المواقف كتير وحدث ولا حرج
لحظة خوف
لحظة ضعف
لحظة فرح
لحظة شجن
لحظة يأس
لحظة تأمل
لحظة سَرَح
لحظة حُب
لحظة ألم
لحظة أمل
لحظة هدوء
لحظة عصبية
لحظة جنان
لحظة خمول
لحظة دموع
لحظة سكوت
لحظة إعادة حسابات
لحظة ,, لحظة ,, إلـــــخ إلـــــــخ إلــــــخ
ياترى انا صح ولا غلط ..؟
ياترى تفكيرى مظبوط ولا شايف نفسى على حق ..ظ
ياترى انا حاسس بالظلم ولا ده اللى استحقه ..؟
ياترى انا غلطت فـ حاجه وبشوف عقباها مثلا ..!
ياترى لما اتكلم اللى هيسمعنى هيعملى ايه ..؟
ياترى لما اشتكي حد هيحس بيا ..؟
ياترى لو حطيتك انت × مكانى هتفكر فـ كل ده ..؟
طيب لو زعلتك هتعمل ايه ؟؟
لو جيت عليك هتقبل ده منى ؟؟
لو حرقت اعصابك وتعبتك معايا هتستحملنى ؟؟
ياترى حاجات كتير
كل لحظه فيها معنى وكل احساس بنحس بيه ده فـ حد ذاته نعمه
لان فعلا الاحساس نعمه
لكن تخيل كده اتعاملت مع حد اناني !!
تخيل لما واحد صاحبك لما تكون قريب منه يقرب ولما تبعد لحظه ينساك
تخيل لما تقعد فتره اسبوع اتنين شهر ,, 2 ,, 3 ,, والمطلوب انك انت اللى تسأل
اصلك لو مسألتش العيب هييجى فيك
وياما كتير مننا سمع الكلمه دى
انت مبتسألش ياعم فينك
انتى فين يابنتى مختفيه ليه
انت فين يابنى بقالك فتره بعيد
!.!.!
طيب انا لما بعدت انت دورت عليا !!
انا لما مسألتش انت فكرت فيا !!
انا لما قطعت انت حاولت توصل !!
انا لما منعت انت حاولت تقدم !!
انا لما سكت انت حاولت تتكلم !!
وبردو هنطلع احنا الغلطانين
وصلنا لمرحلة بقى فيها التعامل مع الحيوانات ارقى من التعامل مع بعض البشر
بعض البشر ( إلا من رحم ربي )
قدمت وقربت
سكت واتنازلت
قبلت ومتكلمتش
مطلبتش ومش لقيت
طلبت وملقيتش
مرفوض بمعنى الكلمه
انانيه × كل حاجه
اعصاب ولا التلاجه
دم كأنه متجلط
هيئة كما المسخ
منظر على غير المألوف
نظره على غير المعتاد
ضحكه بعيده عن القلب
فرحة ضايعه مبقتش بجد
وش مكرمش
عقل بيشكى
قلب بيبكى
روح مخنوقه
كلام مكتوم
خوف على ضايع
سكوت مبتغاه القرب
تغاضى عن ( العدد فـ اللمون )
تخاريف حقيقيه
عفواً ,,
إنـهُ الواقع
عفواً ,,
هؤلاء هم اسوء بني الإنس